ನಾಳೆ ಡಿಸಿಸಿ ಬ್ಯಾಂಕ್ ಚುನಾವಣೆ: ೧೧ ಕ್ಷೇತ್ರಗಳ ೨೫ ಅಭ್ಯರ್ಥಿಗಳ ಭವಿಷ್ಯ ನಿರ್ಧಾರ
* ಚುನಾವಣಾ ಕಣದ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ ನೋಡಿ * ೯೦೯ ಜನ ಮತದಾನಕ್ಕೆ ಅರ್ಹರು
ನಾಡನುಡಿ ವಿಶೇಷ
ಬಾಗಲಕೋಟೆ:
ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಗೆ ನ.5ರ ಗುರುವಾರ ಚುನಾವಣೆ ನಡೆಯಲಿದೆ. ಚುನಾವಣಾ ಕಣ ಹೇಗಿದೆ ಎಂಬುದರ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ ನೋಡಿ.
ಬ್ಯಾಂಕ್ ಗೆ ೧೩ ನಿರ್ದೇಶಕ ಸ್ಥಾನಗಳಿದ್ದು ಈ ಪೈಕಿ ಬಾಗಲಕೋಟೆ ಪಿಕೆಪಿಎಸ್ ಕ್ಷೇತ್ರದಿಂದ ಅಜಯಕುಮಾರ ಸರನಾಯಕ ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರದಿಂದ ನಂದಕುಮಾರ ಪಾಟೀಲ ಅವಿರೋಧ ಆಯ್ಕೆ ಆಗಿದ್ದಾರೆ. ಇನ್ನುಳಿದ ೧೧ ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದೆ.
ವಿಧಾನ ಪರಿಷತ್ ವಿಪಕ್ಷ ನಾಯಕ ಎಸ್.ಆರ್.ಪಾಟೀಲ, ಹಾಲಿ ಸದಸ್ಯ ರಾಮಣ್ಣ ತಳೇವಾಡ, ಶಾಸಕರಾದ ಸಿದ್ದು ಸವದಿ, ಅನಂದ ನ್ಯಾಮಗೌಡ, ವಿಪ ಸದಸ್ಯ ಹಣಮಂತ ನಿರಾಣಿ, ಮಾಜಿ ಶಾಸಕ ವಿಜಯಾನಂದ ಕಾಶಪ್ಪನವರ ಸೇರಿ ಹಲವು ಘಟಾನುಘಟಿಗಳು ಈ ಬಾರಿ ಕಣದಲ್ಲಿದ್ದಾರೆ.
ಹುನಗುಂದ ಪಿಕೆಪಿಎಸ್ ಕ್ಷೇತ್ರ ಗೊಂದಲದ ಗೂಡಾಗಿದ್ದು, ಎರಡು ಪಿಕೆಪಿಎಸ್ ಗಳಲ್ಲಿನ ಮತದಾನದ ಹಕ್ಕು ಯಾರ ಬಳಿಯಿದೆ, ಯಾರದು ಸಿಂಧುತ್ವ ಹೊಂದಲಿದೆ ಎಂಬುದಕ್ಕೆ ಈವರೆಗೆ ಉತ್ತರ ಸಿಕ್ಕಿಲ್ಲ.
ಇನ್ನೂ ನೇಕಾರ ಕ್ಷೇತ್ರದಲ್ಲಿ ಕಾಂಗ್ರೆಸನಲ್ಲಿ ಗುರುತಿಸಿಕೊಂಡಿರುವ ಮುರುಗೇಶ ಕಡ್ಲಿಮಟ್ಟಿ ಹಾಗೂ ಡಾ.ಎಂ.ಎಸ್.ದಡ್ಡೇನವರ ಇಬ್ಬರೂ ಸ್ಪರ್ಧಿಸಿದ್ದು, ಈವರೆಗೆ ಇಬ್ಬರಲ್ಲಿ ಯಾರನ್ನೂ ಕಾಂಗ್ರೆಸ್ ಬೆಂಬಲಿಸಿಲ್ಲ. ಈ ಸ್ಪರ್ಧೆ ಕಾಂಗ್ರೆಸ್ ಗೆ ಬಿಸಿತುಪ್ಪವಾಗಿ ಪರಿಣಮಿಸಿದೆ.ಇಲ್ಲಿ ನಡೆಯಲಿದೆ ಮತದಾನ
ಹೀಗಿದೆ ಚುನಾವಣಾ ಕಣ
ಪಿಕೆಪಿಎಸ್ ಕ್ಷೇತ್ರಗಳು
ಬಾದಾಮಿ: ಕುಮಾರಗೌಡ ಜನಾಲಿ(ಬಿಜೆಪಿ ಬಂಡಾಯ), ಹಣಮಂತಗೌಡ ಗೌಡರ(ಬಿಜೆಪಿ ಬೆಂಬಲಿತ), ಮಲ್ಲಪ್ಪ ಕಿತ್ತಲಿ(ಕಾಂಗ್ರೆಸ್ ಬೆಂಬಲಿತ)
ಹುನಗುಂದ: ವಿಜಾಯನಂದ ಕಾಶಪ್ಪನವರ(ಕಾಂಗ್ರೆಸ್ ಬೆಂಬಲಿರ), ವೀರೇಶ ಉಂಡೋಡಿ(ಬಿಜೆಪಿ ಬೆಂಬಲಿತ)
ಇಳಕಲ್: ಮಹಾಂತೇಶ ನರಗುಂದ(ಕಾಂಗ್ರೆಸ್ ಬೆಂಬಲಿತ), ಶಿವನಗೌಡ ಅಗಸಿಮುಂದಿನ(ಬಿಜೆಪಿ ಬೆಂಬಲಿತ)
ಬೀಳಗಿ: ಈರಣ್ಣ ಗಿಡ್ಡಪ್ಪಗೋಳ(ಬಿಜೆಪಿ ಬೆಂಬಲಿತ), ಎಸ್.ಆರ್.ಪಾಟೀಲ (ಕಾಂಗ್ರೆಸ್ ಬೆಂಬಲಿತ)
ಮುಧೋಳ: ಮಹಾಂತೇಶ ಉದುಪುಡಿ(ಕಾಂಗ್ರೆಸ್ ಬೆಂಬಲಿತ), ರಾಮಣ್ಣ ತಳೇವಾಡ(ಬಿಜೆಪಿ ಬೆಂಬಲಿತ)
ಜಮಖಂಡಿ: ಆನಂದ ನ್ಯಾಮಗೌಡ (ಕಾಂಗ್ರೆಸ್ ಬೆಂಬಲಿತ), ಯೋಗಪ್ಪ ಸವದಿ(ಬಿಜೆಪಿ ಬೆಂಬಲಿತ)
ರಬಕವಿ-ಬನಹಟ್ಟಿ: ಸಿದ್ದು ಸವದಿ (ಬಿಜೆಪಿ), ಭೀಮಪ್ಪ ಮಗದುಮ್(ಬಂಡಾಯ), ಬಸವರಾಜ ಪಾಟೀಲ(ಕಾಂಗ್ರೆಸ್ ಬೆಂಬಲಿತ).
ಇತರ ಕ್ಷೇತ್ರಗಳು:
ಪಟ್ಟಣ ಸಹಕಾರಿ ಸಂಘ ಮತ್ತು ಬಿನ್ ಶೇತ್ಕಿ ಸಂಘಗಳು: ಶಿವಾನಂದ ಉದುಪುಡಿ(ಕಾಂಗ್ರೆಸ್ ಬೆಂಬಲಿತ), ಪ್ರಕಾಶ ತಪಶೆಟ್ಟಿ(ಬಿಜೆಪಿ ಬೆಂಬಲಿತ)
ಇತರೆ ಸಹಕಾರಿ ಸಂಘಗಳು: ಮಲ್ಲಿಕಾರ್ಜುನ ಕುರಿ, ಹಣಮಂತ ನಿರಾಣಿ(ಬಿಜೆಪಿ ಬೆಂಬಲಿತ)
ನೇಕಾರ ಸಹಕಾರಿ ಸಂಘಗಳ ಕ್ಷೇತ್ರ: ಡಾ.ಎಂ.ಎಸ್.ದಡ್ಡೇನವರ, ಮುರುಗೇಶ ಕಡ್ಲಿಮಟ್ಟಿ, ಮಲ್ಲಿಕಾರ್ಜುನ ಬಾಣಕಾರ(ಬಿಜೆಪಿ ಬೆಂಬಲಿತ).
ಉಣ್ಣೆ ನೇಕಾರರ ಸಹಕಾರಿ ಸಂಘಗಳ ಕ್ಷೇತ್ರ: ಸದಾಶಿವ ಇಟಕನ್ನವರ(ಬಿಜೆಪಿ ಬೆಂಬಲಿತ), ಎಚ್.ವೈ.ಮೇಟಿ(ಕಾಂಗ್ರೆಸ್ ಬೆಂಬಲಿತ)
ಯಾವ್ಯಾವ ಕ್ಷೇತ್ರಕ್ಕೆ ಎಷ್ಟು ಮತ..?
ಪಿಕೆಪಿಎಸ್ ಕ್ಷೇತ್ರಗಳು: ಬಾದಾಮಿ ಪಿಕೆಪಿಎಸ್-೫೧ ಮತಗಳು, ಬೀಳಗಿ ಪಿಕೆಪಿಎಸ್-೩೯ ಕ್ಷೇತ್ರಗಳು, ಹುನಗುಂದ ಪಿಕೆಪಿಎಸ್-೨೫ ಮತಗಳು, ಜಮಖಂಡಿ ಪಿಕೆಪಿಎಸ್-೩೫ ಮತಗಳು, ಮುಧೋಳ ಪಿಕೆಪಿಎಸ್-೩೭ ಮತಗಳು, ರಬಕವಿ-ಬನಹಟ್ಟಿ ಪಿಕೆಪಿಎಸ್-೨೭ ಮತಗಳು, ಇಳಕಲ್ ಪಿಕೆಪಿಎಸ್-೧೭ ಮತಗಳು.
ಪಟ್ಟಣ ಸಹಕಾರಿ ಮತ್ತು ಬಿನ್‌ಶೇತ್ಕಿ ಸಹಕಾರಿ ಸಂಘಗಳ ಕ್ಷೇತ್ರ- ೩೧೩ ಮತಗಳು.
ನೇಕಾರ ಸಹಕಾರ ಸಂಘಗಳ ಕ್ಷೇತ್ರ-೮೪ ಮತಗಳು.
ಉಣ್ಣೆ ಉತ್ಪಾದಕರ ನೇಕಾರ ಸಹಕಾರ ಸಂಘಗಳ ಕ್ಷೇತ್ರ- ೪೨ ಮತಗಳು.
ಇತರೇ ಸಹಕಾರ ಸಂಘಗಳು-೨೩೯ ಮತಗಳು.
ಇಲ್ಲಿ ನಡೆಯಲಿದೆ ಮತದಾನ : ನವನಗರದ ಕಾಳಿದಾಸ ಶಿಕ್ಷಣ ಸಂಸ್ಥೆಯಲ್ಲಿ ಮತದಾನ ನಡೆಯಲಿದೆ. ಬೆಳಗ್ಗೆ ೯ ಗಂಟೆಗೆ ೧೧ ಮತಗಟ್ಟೆಗಳಲ್ಲಿ ೧೧ ಕ್ಷೇತ್ರಗಳ ಮತದಾನ ನಡೆಯಲಿದ್ದು, ಸಂಜೆ ೪ ಗಂಟೆಗೆ ಮುಕ್ತಾಯಗೊಳ್ಳಲಿದೆ. ನಂತರ ಮತ ಎಣಿಕೆ ನಡೆಯಲಿದೆ.
