ವಂದೇ ಮಾತರಂ ಪೂರ್ಣ ಹಾಡದ ಕಾಂಗ್ರೆಸ್ಸಿನವರು ದೇಶದ್ರೋಹಿಗಳು: ಪ್ರಮೋದ ಮುತಾಲಿಕ್
ಬಾಗಲಕೋಟೆ:
ಮುಸ್ಲಿಂರ ಓಲೈಕೆಗಾಗಿ ನಾಲ್ಕೇ ಸಾಲು ವಂದೇ ಮಾತರಂ ಹಾಡಲು ನಿಶ್ಚಿಯಸಿರುವ ಕಾಂಗ್ರೆಸ್ ಪಕ್ಷದವರು ದೇಶದ್ರೋಹಿಗಳೆಂದು ಶ್ರೀರಾಮ ಸೇನೆ ಮುಖ್ಯಸ್ಥ ಪ್ರಮೋದ ಮುತಾಲಿಕ ವಾಗ್ದಾಳಿ ನಡೆಸಿದರು.
ಮಾತೃಭೂಮಿ ಯುವಕ ಮಂಡಳಿಯ ಹಿಂದೂ ಮಹಾಗಣಪತಿಯ ವಿಸರ್ಜನೆ ಪ್ರಯುಕ್ತ ಗುರುವಾರ ಸಂಜೆ ಹಮ್ಮಿಕೊಂಡಿದ್ದ ಭವ್ಯ ಶೋಭಾಯಾತ್ರೆಯನ್ನುದ್ದೇಶಿಸಿ ಬಸವೇಶ್ವರ ವೃತ್ತದಲ್ಲಿ ಅವರು ಮಾತನಾಡಿದರು.
ಕೇಂದ್ರ ಸರ್ಕಾರ ವಂದೇ ಮಾತರಂ ಗೀತೆಗೆ ರಾಷ್ಟ್ರಗೀತೆ ಸ್ಥಾನಮಾನ ನೀಡಲು ನಿಶ್ಚಯಿಸಿದ ನಂತರವೂ ಕಾಂಗ್ರೆಸ್ ಪಕ್ಷ ಮುಸ್ಲಿಂರಿಗೆ ನೋವಾಗುತ್ತದೆ ಎಂಬ ಕಾರಣಕ್ಕೆ ನಾಲ್ಕು ಸಾಲು ಹಾಡಲು ನಿಶ್ಚಿಯಿಸಿರುವುದು ನೀಚ, ನಿರ್ಲಜ್ಜಗೇಡಿತನದ ಸಂಗತಿ. ಹಿಂದೂಗಳು ಒಟ್ಟಾಗಿ ಇದನ್ನು ವಿರೋಧಿಸಬೇಕೆಂದು ಹೇಳಿದರು.
ಕೆ.ಮಾಧವಿಲತಾ ಅವರ ಪ್ರವೇಶ ನಿರ್ಬಂಧಿಸಿರು ಪೊಲೀಸರ ನಡೆ ಒಪ್ಪುವಂಥದಲ್ಲ. ದೇಶಕ್ಕೆ ಸ್ವಾತಂತ್ರ್ಯ ಸಿಕ್ಕು ೮೦ ವರ್ಷ ಕಳೆದರೂ ಕೇವಲ ಹಿಂದೂಗಳಿಗೆ ಷರತ್ತು ಹಾಕಲಾಗುತ್ತಿದೆ. ಗೋಹತ್ಯೆ ನಿಷೇಧವಿದ್ದರೂ ಇವರಿಗೆ ತಡೆಯಲು ಆಗಿಲ್ಲ, ನಗರ, ನವನಗರದಲ್ಲಿ ಸಾವಿರಕ್ಕೂ ಅಧಿಕ ಅನಧಿಕೃತ ಮಸೀದಿಗಳಿದ್ದರೂ ತಡೆಯದ ಪೊಲೀಸರು ಹಿಂದೂಗಳ ಹಬ್ಬಕ್ಕೆ ಆಕ್ಷೇಪಿಸುವುದು ಯಾಕೆ ಎಂದು ಪ್ರಶ್ನಿಸಿದರು.
ಮುಖಂಡರಾದ ಅಶೋಕ ಲಿಂಬಾವಳಿ, ಕುಮಾರಸ್ವಾಮಿ ಹಿರೇಮಠ, ಗಿರೀಶ ಭಾಂಡಗೆ, ಚಂದ್ರು ರಾಮೋಡಗಿ ಮತ್ತಿತರರು ಇದ್ದರು
