ರಸ್ತೆ ಅಪಘಾತಕ್ಕೆ ಇಬ್ಬರು ಬಲಿ..!
ಬಾಗಲಕೋಟೆ:
ಗದ್ದನಕೇರಿ ಕ್ರಾಸ್ ನಿಂದ ಬೀಳಗಿ ಕಡೆಗೆ ಸಾಗುವ ಮಾರ್ಗದ ಯಡಹಳ್ಳಿ ಕ್ರಾಸ್ ಬಳಿ ಬೈಕ್ ಹಾಗೂ ಟವರಸ್ ನಡುವೆ ಸಂಭವಿಸಿದ ಢಿಕ್ಕಿಯಲ್ಲಿ ಇಬ್ಬರು ಸವಾರರು ಮೃತಪಟ್ಟಿರುವ ಘಟನೆ ವರದಿಯಾಗಿದೆ.
ಸವದತ್ತಿ ಯಲ್ಲಮ್ಮನ್ನ ಗುಡ್ಡದಿಂದ ದರ್ಶನ ಪಡೆದು ವಾಪಸ್ಸಾಗುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದೆ.ಘಟನೆಯಲ್ಲಿ ಬೈಕ ಸವಾರರಾದ ವಿಜಯಪುರ ಜಿಲ್ಲೆ ಕೋಲಾರದ ಸಚಿನ್ ಮಲ್ಲಿಕಾರ್ಜುನ ಬೆಳ್ಳುಬ್ಬಿ(೨೮) ಕೋಲಾರ ತಾಲೂಕು ಕುಬಕಡ್ಡಿಯ ಸಂಗಪ್ಪ ತೆಲಗಿ(೨೬) ಎಂದು ಗುರುತಿಸಲಾಗಿದೆ. ಮೃತ ಸಚಿನ್ ಮಾಜಿ ಸಚಿವ ಎಸ್.ಕೆ.ಬೆಳ್ಳುಬ್ಬಿ ಅವರ ಸಹೋದರನ ಮಗ ಎಂದು ಹೇಳಲಾಗಿದೆ.
ಘಟನಾ ಸ್ಥಳಕ್ಕೆ ಬಾಗಲಕೋಟೆ ಗ್ರಾಮೀಣ ಸಿಪಿಐ ಬಿ.ಎಂ.ಸೂರೆ, ಕಲಾದಗಿ ಠಾಣೆ ಪಿಎಸ್ಐ ಆರ್.ಎಂ.ಸಂಕನಾಳ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.ಕಲಾದಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
